Translate
ចោរកម្មលួចអត្តសញ្ញាណ (Cambodian)
សូមស្វាគមន៍មកកាន់ប្រព័ន្ធរាយការណ៍លើបណ្ដាញអ៊ីនធឺណិតរបស់ការិយាល័យនគរបាលនៃតំបន់ King County (King County Sheriff's Office Online Reporting System)។ លោកអ្នកអាចរាយការណ៍អំពីឧបត្តិហេតុអ្វីមួយ ដែលបានកើតឡើងចំពោះលោកអ្នក ដោយមិនចាំបាច់ចំណាយពេលរង់ចាំយូរ ហើយអាចបោះពុម្ពយកសំណៅចម្លងស្របច្បាប់បានភ្លាមៗ។ បើលោកអ្នកជាជនរងគ្រោះនៃអំពើចោរកម្មលួចអត្តសញ្ញាណ, សូមលោកអ្នករក ហើយរក្សាទុកក្រដាសភ័ស្តុតាង, បង្កាន់ដៃ, សែកដែលគេដូរប្រាក់រួចហើយ, និងសំបុត្រទាំងអស់ ដែលពាក់ព័ន្ធនឹងឧក្រិដ្ឋកម្មនេះ។ យើងខ្ញុំអាចនឹងទាក់ទងមកលោកអ្នក ដើម្បីយកវត្ថុទាំងនេះ។ សូមរក្សាទុកឯកសារទាំងអស់នេះ ទៅតាមលំដាប់លំដោយឬប្រភេទរបស់វា ឲ្យបានជាប់លាប់ជាអចិន្ត្រៃយ៍។
(Federal Trade Commission, FTC) បានឲ្យនិយមន័យលើចោរកម្មលួចអត្តសញ្ញាណថា “មនុស្សដែលលួចព័ត៌មានផ្ទាល់ខ្លួនរបស់លោកអ្នក ទៅប្រើប្រាស់ក្នុងការប្រព្រឹត្តអំពើលួចបន្លំ ឬអំពើចោរកម្ម ដោយមិនឲ្យលោកអ្នកដឹងខ្លួន”។ ជាធម្មតា, ចោរលួចអត្តសញ្ញាណ គេលួចយកលេខសូសាល់ ឬព័ត៌មានផ្ទាល់ខ្លួនដទៃៗទៀតរបស់លោកអ្នក ទៅប្រើប្រាស់ ដើម្បីដាក់ពាក្យសុំប័ណ្ណឥណទានណាមួយក្នុងនាមរបស់លោកអ្នក ឬដើម្បីប្រព្រឹត្តអំពើឧក្រិដ្ឋផ្សេងៗទៀត។
នៅពេលលោកអ្នករាយការណ៍អំពីការត្រូវគេបន្លំប្រើប្រាស់អត្តសញ្ញាណរបស់លោកអ្នក, សូមត្រៀមផ្តល់ ៖
- ឈ្មោះពេញ, ខែថ្ងៃឆ្នាំកំណើត, លេខសូសាល់, លេខប័ណ្ណបើក ឬលេខប័ណ្ណអត្តសញ្ញាណរបស់លោកអ្នក;
- តើការបន្លំនោះបានកើតឡើងដោយរបៀបណា (ត្រូវគេលួចសែក, លួចលេខឬប័ណ្ណសូសាល់, ។ល។);
- ឈ្មោះធនាគារដែលចេញប័ណ្ណ Credit/Debit/ATM, សែក, ឲ្យខ្ចីប្រាក់;
- លេខគណនី (ប្រសិនបើមាន);
- របៀបដែលលោកអ្នកត្រូវបានគេជូនដំណឹងឲ្យដឹងអំពីបញ្ហានោះ (ត្រូវបានគេផ្ដល់សេចក្ដីជូនដំណឹងអំពីការទារប្រាក់, ធនាគារបានទូរស័ព្ទទាក់ទងទៅលោកអ្នក ដើម្បីបញ្ជាក់ប្រាប់អំពីការផ្ទេរប្រាក់, ទីភ្នាក់ងារទារបំណុលបានទូរស័ព្ទទាក់ទងទៅលោកអ្នក ដើម្បីបញ្ជាក់ប្រាប់អំពីការជំពាក់ប្រាក់, ។ល។);
- រង្វង់ពេលវេលានៃការផ្ទេរប្រាក់នានា។
លោកអ្នកអាចជួយភ្នាក់ងារមានសមត្ថកិច្ច ក្នុងការប្រឹងប្រែងតាមវែកមុខឧក្រិដ្ឋកម្មទាំងនេះ ដូចតទៅ ៖
- ចូរទាក់ទងទៅក្រសួងឥណទានមួយក្នុងចំណោមក្រសួងឥណទានទាំងបី ដែលបានរាយឈ្មោះជូនខាងក្រោម ហើយរាយការណ៍ប្រាប់ពួកគេអំពីការត្រូវគេបន្លំប្រើប្រាស់អត្តសញ្ញាណរបស់លោកអ្នក។ ចូរស្នើសុំឲ្យគេបង្កកសន្តិសុខ (security freeze) ឬដាក់បម្រាមស្តីពីការបន្លំ (fraud alert)។ ការបង្កកសន្តិសុខមានន័យថា ព័ត៌មានឥណទានរបស់លោកអ្នកអាចត្រូវគេចែករំលែកជាមួយម្ចាស់បំណុលសំខាន់ៗ (លោកអ្នកនឹងត្រូវបញ្ឈប់ការបង្កកឥណទានរបស់លោកអ្នកវិញ ប្រសិនបើលោកអ្នកចង់ឲ្យកិច្ចការនេះឈប់បន្ត)។ បម្រាមស្ដីពីការបន្លំគឺជាសេចក្ដីជូនដំណឹងដល់ទីភ្នាក់ងារផ្ដល់របាយការណ៍ឥណទាន ឲ្យគេធ្វើការទាក់ទងមកលោកអ្នក នៅពេលណាគេទទួលបានបែបបទដាក់ពាក្យសុំប័ណ្ណឥណទានថ្មីណាមួយ ក្នុងនាមរបស់លោកអ្នក។
- ចូរផ្ញើសំណៅចម្លងនៃសេចក្ដីរាយការណ៍ដល់ប៉ូលិសនេះ ទៅទីភ្នាក់ងារផ្ដល់របាយការណ៍ឥណទាននានា ដែលបានរាយឈ្មោះជូនខាងក្រោម។ ប្រសួងឥណទានត្រូវបានតម្រូវឲ្យទប់ស្កាត់ព័ត៌មានរបស់ជនរងគ្រោះ ដែលត្រូវបានរកឃើញថា កំពុងរងគ្រោះពីអំពើចោរកម្មលួចអត្តសញ្ញាណទាំងអស់។ នៅពេលណាទីភ្នាក់ងារផ្តល់របាយការណ៍ឥណទានទាំងនេះទទួលបានសេចក្ដីរាយការណ៍ដល់ប៉ូលិសនេះ និងសេចក្ដីស្នើសុំពីលោកអ្នកហើយ, នោះពួកគេត្រូវបានតម្រូវ ឲ្យទប់ស្កាត់គ្រប់ព័ត៌មានអកុសលទាំងអស់ ដែលបង្កឡើងដោយអំពើចោរកម្មលួចអត្តសញ្ញាណ ពីរបាយការណ៍ឥណទានរបស់លោកអ្នក។
- ចូររាយការណ៍អំពីចោរកម្មលួចអត្តសញ្ញាណទៅស្ថាប័នហិរញ្ញវត្ថុ និងម្ចាស់បំណុលដទៃៗទៀតរបស់លោកអ្នក។
- ចូរកត់ទុកនូវឈ្មោះ និងលេខទូរស័ព្ទរបស់ជននានា ដែលលោកអ្នកបានទាក់ទងស្ដីអំពីគណនី ឬការប្រើប្រាស់អត្តសញ្ញាណរបស់លោកអ្នក។
- ចូររក្សាទុកនូវសំណៅចម្លងនៃធនាគារ និងប័ណ្ណឥណទានទាំងអស់ ដែលមានចុះកំណត់ត្រាអំពីថ្លៃជំពាក់ប្រាក់ ដែលពាក់ព័ន្ធនឹងការបន្លំ។
- ចូររក្សាទុកនូវសំណៅចម្លងនៃសំបុត្រទារប្រាក់ ឬលិខិតឆ្លើយឆ្លងជាមួយជនណាម្នាក់ ដែលពាក់ព័ន្ធនឹងគណនីនានា ដែលបានបើកក្នុងឈ្មោះរបស់លោកអ្នក។ ចូរសុំឲ្យក្រុមហ៊ុនទាំងនោះផ្តល់មកលោកអ្នកនូវព័ត៌មាននានា ដែលពួកគេអាចនឹងមានអំពីជន ដែលបានបើកគណនីដោយប្រើឈ្មោះរបស់លោកអ្នក (ឧទាហរណ៍ដូចជា សំណៅចម្លងនៃប័ណ្ណបើកបរ, អាសយដ្ឋាន ឬលិខិតនានា ដែលគេបានផ្ញើទៅកាន់ជន ឬអាសយដ្ឋាននោះ)។
- ប្រសិនបើសំណុំរឿងនេះត្រូវបានប្រគល់ឲ្យភ្នាក់ងារស៊ើបអង្កេតណាម្នាក់, នោះចូរធ្វើការដោយផ្ទាល់ជាមួយភ្នាក់ងាររូបនោះ ហើយចូរចែករំលែកព័ត៌មានទាំងអស់ ដែលលោកអ្នកអាចនឹងមាន ជាមួយភ្នាក់ងារស៊ើបអង្កេតនោះ។
- ចូររក្សាទុកនូវបញ្ជីឈ្មោះ, លេខទូរស័ព្ទ និងអាសយដ្ឋាន (បើសិនជាដឹង) របស់មនុស្ស ដែលលោកអ្នកបាននិយាយជាមួយនៅមុនពេល និងក្រោយពេលលោកអ្នកបានរាយការណ៍អំពីការបន្លំការប្រើប្រាស់អត្តសញ្ញាណរបស់លោកអ្នក។ ចូរចុះកំណត់ហេតុសម្គាល់លើព័ត៌មានដែលលោកអ្នកបានទទួល និងកាលបរិច្ឆេទនៃការទាក់ទងជាមួយមនុស្សទាំងប៉ុន្មាន ដើម្បីទុកប្រើប្រាស់ក្នុងករណី ដែលលោកអ្នកត្រូវការទាក់ទងទៅពួកគេនៅថ្ងៃមុខៗ ដើម្បីស្នើសុំព័ត៌មានបន្ថែមទៀត។
ធនធាន
គណៈកម្មាធិការ FTC ៖ http://www.ftc.gov/bcp/edu/microsites/idtheft/
វឹបសៃតិ៍ក្រុមការងារត្រួតពិនិត្យការបន្លំតាមអ៊ីនធឺណិតសហព័ន្ធ (Federal Internet Fraud Task Force) ៖ www.ic3.gov
អគ្គមេធាវី ៖ វឹបសៃតិ៍ស្ដីពីការបន្លំអត្តសញ្ញាណរបស់លោក Bob Ferguson ៖ http://www.atg.wa.gov/guardit.aspx
វឹបសៃតិ៍នៃក្រសួងអាជ្ញាប័ណ្ណទទួលបន្ទុកចោរកម្មលួចអត្តសញ្ញាណ ៖ www.dol.wa.gov/driverslicense/identitycrimes.html
ទីភ្នាក់ងារផ្ដល់របាយកាណ៍ឥណទាន
|
Equifax |
Experian |
TransUnion |
ជំនួយពាក់ព័ន្ធបណ្ដឹង FTC (ទម្រង់ដាក់បណ្ដឹងតាមអ៊ីនធឺណិត) ៖
targetបើលោកអ្នកជាជនរងគ្រោះនៃអំពើចោរកម្មលួចអត្តសញ្ញាណ ហើយមានលក្ខណៈស្របតាមល័ក្ខខ័ណ្ឌតម្រូវនានា ដែលបានបញ្ជាក់លើគេហទំព័រនៃបទដ្ឋានរាយការណ៍តាមបណ្ដាញអ៊ីនធឺណិតនេះ, សូមចុចលើតំណ (link) ខាងក្រោម ដើម្បីចាប់ផ្ដើមធ្វើសេចក្ដីរាយការណ៍របស់លោកអ្នក។
តាមរយៈការចុចប៉ូតុង "ចាប់ផ្ដើមរាយការណ៍" លោកអ្នកបានបញ្ជាក់ជាផ្លូវច្បាប់ថា លោកអ្នកបានយល់ជ្រាប់ថា ការធ្វើសេចក្ដីរាយការណ៍ក្លែងក្លាយគឺជាបទឧក្រិដ្ឋ។
បន្ទាប់ពីចុចតំណភ្ជាប់ខាងក្រោម អ្នកនឹងអាចបញ្ជូនរបាយការណ៍របស់អ្នកជាភាសាអង់គ្លេស។ ប្រសិនបើអ្នកមិនអាចធ្វើដូច្នេះបានទេ សូមហៅមកកាន់ពួកយើងតាមលេខ (206) 296-3311 សម្រាប់ជំនួយ និងស្នើសុំអ្នកបកប្រែ។ ប្រសិនបើអ្នកត្រូវការ យើងអាចឲ្យនរណាម្នាក់ទាក់ទងអ្នកជាមួយអ្នកបកប្រែដើម្បីជួយសរសេរ និងបញ្ជូនរបាយការណ៍របស់អ្នក។
អ្នកមានសិទ្ធិទ្ទ្ួលបានជំនួយភាសាដោយឥតគិតថ្លៃ។
អ្នកអាចដសន ើស ំឯកសារជាលាយលកខណ៍អ្កសរជាភាសារបស់អ្នក
ឬដសន ើស ំការបកខ្របផ្ទា ល់មាត់ពីអ្នកបកខ្របផ្ទា ល់មាត់
ខ្ែលមានលកខណៈសម្បតតិរគប់រាន់ដោយឥតគិតថ្លៃសរមាប់អ្នក។
ការបកខ្របផ្ទា ល់មាត់នឹងរតូវបានផ្ដល់ជូនអ្នកដោយឥតគិតថ្លៃ។