‘E fiema’u ke ke ha’u mo e:

• Fakamo’oni ‘oku ‘asi ai ‘a e ‘aho fā’ele’i: fakapule’anga, matakali, pe kaati ID na’e ‘oatu ‘e he puleʻangá. ʻE malava pē ke fakaʻaongaʻi ha siteitimeni pangikē ʻoku ʻasi ai ʻa e hingoa pea mo e tuʻasilá.
• Tui ha falani nima mutu pe falani ʻoku ʻataʻatā ʻa e nimá koeʻuhí ke faingofua hono pelu hake kae lava ʻo huhu ʻa hoʻo nimá ʻi he konga ki ʻolungá.
• Fakangofua ʻa e kakai lalahí kuo fakamafaiʻi: Kapau ʻokú ke taʻu siʻi hifo ʻi he taʻu 18, mahalo ʻe fie maʻu ha fakangofua mei ha taha lahi kuo fakamafaiʻi ke ne maʻu e huhu maluʻí. Te ke lava ʻo fakangofua maʻau kapau ʻoku ke fakatauʻatainaʻi koe, mali mo ha taha lahi, pe ʻoku fakapapauʻi ʻe he saiti huhu maluʻi ko e matuʻotuʻa ange (ʻi he lea faka-Pilitania). ʻOku ʻikai lava ʻe he ngaahi feituʻu huhu maluʻi kotoa pe ʻo fai ha fanga kiʻi loto fakapapau matuʻotuʻa. ʻOku ʻoatu ʻi lalo ha fakamatala lahi ange maʻá e fānaú mo e toʻu tupú, kau ai e ngaahi fakaʻuhinga ʻa e kakai lalahí kuo fakamafaiʻí. Kapau he ʻikai ʻalu ha taha lahi kuo fakamafaiʻi ki he huhu maluʻi mo koe, vakaiʻi mo hoʻo kautaha huhu maluʻi fekauʻaki mo e ngaahi fie maʻu ki hono fakahaaʻi ha fakamoʻoni ʻo e fakangofua ʻa e kakai lalahi kuo fakamafaiʻi pe fakatauʻatainaʻi fakalao.
• Ko hoʻo kaati huhu maluʻi Centers for Disease Control and Prevention (CDC, Senitā ki he Mapuleʻi mo Taʻofi ʻo e Mahakí) kapau te ke maʻu ʻa e huhu hono uá pē huhu tānaki hono tolú. ʻE tānaki ki hoʻo kaatí ʻa e lēkooti ʻo hoʻo huhu foʻoú.

Fakasio ha’o me’alele:

Kapau ‘oku ke nofo ‘i King County, pea ‘oku ke fiema’u ha me’alele ke ke fononga ai ki ho’o ‘apoinimeni huhu malu’i, ‘oku lahi pē ‘a e ngaahi me’a ke ke fili mei ai:

• Kumi ha Me’alele: Ka ʻoka ke ka fiemaʻu ke ʻave koe ki hoʻo ʻapoinimeni huhú, vakai ki he www.findaride.org pe tā ki he Laine Maʻuʻanga Fefonongaʻakí ʻi he 425-943-6760 (Mōnite ki he Falaite, 8:30 pongipongí ki he 4 efiafí. Taila e 5 ki ha fakatonulea). Kapau te ke fie maʻu ha fakatonulea, tala ʻa e lea faka-Fonua ʻokú ke fiemaʻú ʻi he taimi ʻe tali atu aí.
• Ngaahi Sēvesi Pasí: ‘Oku lahi ‘a e ngaahi founga fefonongaʻaki ‘a e King County Metro ki he ‘apoinimeni huhu malu’i, kau ki ai ‘a e pasi transit, Access ki he paratransit mo e meʻalele Community Van (Veeni ʻa e Komiunitií). 'Ilo lahi ange ki he King County Metro 'i heni (peesi 'initaneti uepisaiti 'i he lea Fakapilitānia pē) pe tā ki he 206-553-3000.
• 'Oku 'i ai ha'o Kaati Medicaid pe Apple Health? Tā ki he Hopelink Medicaid 'i he 800-923-7433. (Vakai'i 'a e malava ke ke kau mai)
• Ko ha toko taha lahi matu'otu'a koe pe 'oku 'i ai ha'o faingata'a'ia? Tā ki he Metro Access 'i he 206-205-5000. (Vakai'i 'a e malava ke ke kau mai)
• ‘Oku ke feinga nai ke taimi tēpile’i ha me’alele ki ha kakai tokolahi? Fakafonu 'a e foomu ko eni ('i he lea faka pālangi pē) pea 'e toki fetu'utaki atu ha taha 'o e timi ko ia 'a e Hopelink Mobility Management Team ki he hoko atu.

Puka ho’o huhu malu’i hono ua.

Seti ha taimi huhu tānaki atu.