Skip to main content
King County logo

ካብዚ ዝመጽእ ዘሎ ዓርቢ ማለት ሰነ 26/2020 ጀሚሩ ኩሎም ነበርቲ ክፍለ-ግዝኣት ዋሽንግተን ኣብ ዉሽጥን ደገን ህዝባዊ ቦታታት መሸፈኒ ገጽ/ኣፍ ክገብሩ ይግደዱ። እቲ መሸፈኒ ገጽ/ ኣፍ ማስክ፡ ዝተደራረበ ጨርቂ ብድሕሪት ወገን ርእሲ ዝእሰር ፡ ሻርባ ወይ ስካርፍ ኮይኑ ኣፍንጫን ኣፍን ክሽፍን ዝኽእል ኢዩ። ዕድሚኦም 5 ዓመትን ልዕሊኡን ዝኾኑ ህጻናት መሸፈኒ ገጽ ክገብሩ ኣለዎም። ዕድሚኦም ካብ 2 - 4 ዓመት ድማ ኣብ ምቁጽጻር ዓበይቲ ሰባት ይኾኑ።

ሰባት ኣብ ዝተወሰነ ኩነታት መሸፈኒኦም ከልግሰዎ ዝኽእልሉ ኣጋጣሚታት ፤

  • ገለ ናይ ጥዕናዊ ኩነታት ወይ ድማ ፍልይ ዝበለ ክእለት( differing abilities) ዘለዎም መሸፈኒ ገጽ ክገብሩ ኣይግደዱን ኢዮም።
  • ትሕቲ 2 ዓመት ዝዕድሚኦም ህጻናት ናይ ገጽ መሸፈኒ ክገብሩ የብሎምን።
  • ምስ ጸማም ወይ ድማ ናይ ምስማዕ ጸገም ዘለዎም ንምርድዳእ።
  • ክትበልዑ ወይ ክትሰትዩ ከለኹም ናይ ገጽ መሸፈኒ ዘይምግባር ይከኣል ኢዩ። ብኽብረትኩም ናይ 6 ፊት ርሕቀት ይሃልኹም።
  • ኣብ ደገ ኣብ ህዝባዊ ቦታታት እንተሃሊኹም፡ ኣባላት ስድራኹም ምስ ዘይኮኑ ሰባት ናይ 6 ፊት ርሕቀት ይሃልኹም።

ነዚ ሕጋዊ ትእዛዝ ምጥሓስ ከኽሰስን፡ ካብ $25 ክሳብ $100 ገዘባዊ መቕጻዕቲ ወይ ናይ 90 መዓልታት ማእሰርቲ፡ኣብ ካውንቲ ቤት ማእሰርቲ ከስዕብ ይኽእል'ዩ።

ናይ ገጽ መሸፈኒ ንምርካብ ምስ እትነብሩሉ ከተማ ምምሕዳር ርክብ ግበሩ። ካብ'ቲ ከባቢ ምምሕዳር ወጻኢ ዝኾኑ ቦታታት፡ ናይ ገጽ መሸፈኒ በካባቢያዊ ካውንስል፡ ከምኡ'ውን ብካልኦት ኣካባብያዊ ሰረት ዘለዎም ማሕበራት፡ ብኣብያተ እምነት ክከፋፈሉ ይኽእሉ ኢዮም።

ኣብ ክፍለ- ግዝኣት ዋሽንግተን እንታይ ይግበር ከምዘሎ ሕቶታት እንተሃልይኩም ብኽብረትኩም ናብ ዋሽንግተን ኮቪድ-19 (COVID-19) ሆትላይን ካብ ሰዓት 6፡00 ቅ.ቀ. – 10፡00 ድ.ቀ. ካብ ሰኑይ ክሳብ ዓርቢ፤ ከምኡ'ውን ቀዳምን ሰንበትን ካብ ሰዓት 8፡00 ቅ.ቀ. – 6፡00 ድ.ቀ. ኣብ ቁጽሪ ተሌፎን 1-800-525-0127 ብምድዋል፡ ቀጺልኩም ነዚኣ ምልክት # ጽቐጡ። ናይ ትርጉም ሓገዝ ኣሎ።