Skip to main content
King County logo

E faigofie ona tatou maua ni faamatalaga sese e uiga ile saogalemu ole tui puipuia mai le faamai ole coronavirus. O nei tala sese o loo maua online (luga ole computer) mani tala e faasalalau e tagata ua matua le lelei lea tulaga. Ua tatou leiloa poo a mea e talitonu ai, ole mea lea ua alai ona faia lenei itulau e fesoasoani ai ina ia malamalama ini mea mautinoa

MEA MAUTINOA: E LĒ suia e le vaila’au tui mo le KOVITI-19 ou genes (tupu’aga) po’o lou DNA (vaega nini’i i itu totonu o sela o lou tino e tau’aveina fa’amaumauga o lo’o fa’atonuina le tuputupu a’e o vaega uma o lou tino).

Oni faamatalaga sese: E iai ni atuatuvale faapea ole tui puipuia e mafai ona faia ai ni suiga ole DNA o tagata, ma e mafai ona suia ai foi le ituaiga, pe suia male faagasologa o tagata o aiga mo leisi auga tupulaga.

Ole mea moni lava: E fa’aaogā e vaila’au tui uma e lua o le Moderna ma le Pfizer le mea e ta’u o le Messenger RNA (po’o le mRNA), o se mea aogā e gaosi tupu fua mai lava e le tino fa’aletagata. O le mRNA e fa’atonuina tatou tino i le puipuiga o tatou e ala mai i le gaosia o ni antibodies (polōtini e tete’e atu i siama ma vairusi) ma isi sela o le tino o lo’o taunapa ma le tete’e atu i fa’ama’i pepesi.

E leai se taimi e ulufia ai e le mRNA o le vaila’au tui mo le KOVITI-19 le ogatotonu o le sela o le tino – i le mea o lo’o iai tatou DNA. O lona uiga e leai se auala e ono mafai ona āfāina ai o tatou DNA i le mRNA. A mae’a loa ona a’oa’oina e le mRNA ō tatou sela o le tino, e toe fa’ata’ape lava e gaioiga fa’alenatura o le tino le mRNA ina ia lē toe iai i totonu o tatou tino.


MEA MAUTINOA: E LĒ māfua mai i le vaila’au tui mo le KOVITI-19 se a’afiaga o oe i le koronavairusi.

Oni faamatalaga faasese: Ua iai ni faasalalauga sese faapea ole tui puipuia ole COVID-19 e mafai ona maua ai oe ile faamamai ole COVID-19.

Ole mea moni lava: E leai se koronavairusi i totonu o so’o se vaila’au tui mo le KOVITI-19. E lē mafai ona e a’afia i se koronavairusi mai le faia o lou tui puipui.

E fa’atonu e vaila’au tui tatou sela o le tino ina ia gaosia se polōtini e fa’afoliga tutusa ma le polōtini o lo’o maua i le tino i fafo o le vairusi o le KOVITI-19. Mo le lafoina o nei fa’atonuga, e fa’aaogā e vaila’au tui le mea e ta’u o le messenger RNA (mRNA) po’o se vairusi e lē tūgā ona a’afiaga lea e masani ona māfua ai le mamafa o le isu ae ua uma ona fa’aliua ia lē mafai ona māfua mai ai se ma’i. E o’o ina iloa e tatou tino mataulia lena polōtini ia mafai ai ona tapena se puipuiga e tali atu pe a ulufia e se vairusi o le KOVITI-19 le tino.


OLE MEA MONI: O tui puipuia ole COVID-19 e mafai ona mafua ai ni auga ole flu, ae seasea maua oni tulaga tigaina.

Oni faamatalaga faaesese: Ua iai ni faaaliga sese e uiga ile tui faapea ua faalia mai ai tulaga ua afaina ai ma ua faailoa mai ile tino, e taua lea ole anaphylaxis, e matua mai tigaina ai ni tagata.

Ole mea moni lava: E mafai ona fa’alogoina ni a’afiaga e pei o le tiga o le ulu, tiga o le ogālima, pepē le tino pe fiva i ni aso e tasi pe lua talu ona mae’a ona fai lou tui. A o nei a’afiaga e lē umi se taimi e fa’alogoina ai ma o ni fa’ailoga fo’i o lo’o galue lelei le vaila’au tui.

E seāseā va’aia ni a’afiaga o se ma’i oso po’o se ma’i pata matuiā (anaphylaxis), ae mafai lava ona alia’e, aemaise i tagata e masani ona a’afia i ni tulaga o le ma’i oso po’o le ma’i pata matuiā. E mafai ona togafitia uma na a’afiaga.

O lo’o iai puipuiga ua mae’a ona fa’atulagaina, ne’i mana’omia. A mae’a ona fai lou tui puipui, e fautuaina lou fa’atali pea i le ofisa fa’afoma’i mo le 15 minute se’ia mautinoa e lē o a’afia oe i se ma’i oso po’o se ma’i pata matuiā mai le vaila’au tui.

Afai e maua oe ise (allergic reaction) afaina vaaia i lou tino pe a uma ona faia le tui puipuia muamua, ele tatau la ona e faia le tui lona lua. Mo nisi faamatalaga auiliili e uiga ile tui puipuia, vaai le CDC guidance (o lea website e na’o le gagana Igilisi).


MEA MAUTINOA: Ole tui puipuia ole COVID-19 e le maua ai ni tracking chips, totoga oni pepe (fetal tissue), mea e gaosia mai puaa, uamea e iai ni afaina poo ni ituaiga mea eseese e oona tele.

Faamatalaga faasese: E tumu le internet ini faaliga sese e uiga i mea o loo gaosia ma tuu i totonu ole tui puipuia.

Ole mea moni lava: O le elemeni e pito i sili ona tāua i vaila’au tui uma e lua o le Pfizer ma le Moderna o le mea aogā e gaosi tupu fua mai lava e le tino fa’aletagata o lo’o ta’ua o le mRNA. O lo’o iai fo’i i totonu o vaila’au tui ni lipids (mea pei o ga’o e lē mafai ona fa’afefiloi lelei ma le suavai), masima, acetic acid (aseta) (o le elemeni silisili i totonu o vineka), ma suka. O le elemeni e pito i sili ona tāua i le vaila’au tui o le Johnson & Johnson (J&J), o le vairusi lea e masani ona māfua ai le mamafa o le isu, ae ua uma ona fa’aliua ia lē mafai ona māfua mai ai se ma’i. E fa’asino e le mRNA i sela o lou tino auala e mafai ona maitauina ai le KOVITI-19 ma puipui ai oe mai se a’afiaga. O lo’o iai fo’i i totonu o le vaila’au tui o le J&J mea e ta’u o stabilizers (masima, alcohols (vaila’au), polysorbate 80, le aseta o lo’o ta’ua o le hydrochloric acid) ma aseta o lo’o ta’ua o amino acids.

E itiiti atu elemeni i totonu o nei vaila’au tui nai lo o elemeni e maua i totonu o se pepa chips (kipi) pakeka e masani ai!


MEA MAUTINOA: Ole a feasoasoani mo tagata uma ile faia ole tui puipuia ole COVID-19, ose auala lea e faamuta ai lenei faamai ise taimi lata mai. Ole faia o Tui Puipuia e ao ina faaititia ai tagata taofia ile falemai ma ni tagata feoti o loo aafia i ituaiga e maualuga o latou faaeteetega, faatasi ai ma vai aai e nonofo ai tagata lanu ua tele le afaina mai lea faamai.

Faamatalaga faasese: Oni talaaga ole faia pea oni faaeseesega tau lanu, tapuaiga, poo le atunuu i totonu o fale talavai male public health, e faamaonia le atugaluga o tagata ina ia tutusa le faiga o tagata mo le fausiaina o tui male faia o tui puipuia, ae le gata i lea, poo ai na mafai, pe le mafai ona au ai i faataitaiga. Ua tele ni fesili ua fofoga mai pe na fai ni faataitaiga ole tui mo ni tagata ua tofia, se faa’aoaoga e pei oni uluai faataitai, ae maise le auai oni Tagata Uli, Latino, mani tagata mai isi atunuu, e faapea sa faaesea i latou mai ni faaoaoga ole tui puipuia.

Ole mea moni lava: A o le i gaosia vaila’au tui mo le KOVITI-19, sa fa’aleoina mai e ni activists (tagata fa’aleo manatu) ma ni tagata fautua popolega auā tiga a Tagata Uli, Tagatanu’u, ma tagata lanu sa māfua mai fa’alapotopotoga fa’afoma’i ma fa’alemālō i tala fa’asolopito fa’apea fo’i i le taimi nei. E fa’afetaia ona o latou tautiga, o le sefulu ma le afe o tagata na aofia i fa’ata’ita’iga o le vaila’au tui mo le KOVITI-19 ua ataata mai ai le filogia o ē e iai tupu’aga mai atunu’u ese’ese i le faitau aofa’i o tatou tagata. O lo’o va’aia le lelei ma le saogalemu o vaila’au tui i fa’avasega o tagata i itu’aiga lanu ese’ese ma tagata o lo’o iai tupu’aga mai atunu’u ese’ese.

E fa’aopoopo ai, sa iai tagata lanu i le ta’ita’iga o le gaosia o vaila’au tui. Mo se fa’ata’ita’iga, o Dr. Kizzmekia Corbett, o se saienitisi Tagata Uli o lo’o fai ma ta’imua i le National Institute of Health (Fa’alapotopotoga o le Soifua Maloloina Fa’aleatunu’u) mo le faia o su’esu’ega e fa’atatau i vailau’u tui mo koronavairusi.

Na va’aia e nu’u ma afioaga o Tagata Uli, Tagatanu’u Amerika, Tagata e iai Tupua’ga Sipaniolo, ma Tagata Pasefika le maualuga atu o numera o i latou o lo’o taofia i falema’i fa’apea fo’i le maliliu mai le KOVITI-19 i totonu o King County. O nei nu’u ma afioaga o le a fa’atasi ai ma i latou e pito i sili ona fa’amanuiaina i puipuiga e maua mai tui puipui.