Skip to main content
King County logo

Eṃōj an Food and Drug Administration (FDA, Jikin Bōk Eddo kōn Ṃōñā im Wūno) koweeppān ñan kajerbal ilo emergency Public Health - Seattle & King County ej jerbal ippān Washington State Department of Health (Tibaatmen in Ājmour) kōn wāween aer naaj leḷọk wā in bōbrae ko.

  • Japplae in wā in bōbrae ko jinountata reiiet im leļọk wōt ṃoktata ñan kumi ro im elap aer bed ilo kawōtata, einwōt rijerbal ilo jikin ejmour eo im armej ro ilo iṃōn oļeij im bar jet jikin jipañ armej ro, im alap ro.
  • Japplae ko an wā in bōbrae ko an COVID-19 renaaj etal wōt ilo aer jabe ñan ro jet iuṃin allōñ ko. Enaj etal im, wā in bōbrae kein renaaj bwe ñan jabdewōt ilo aolep kumi ro rekkar.
  • Eḷap an aorōk bwe armej ren safe ñe rej bōk wā in bōbrae eo. Rej lukkuun teej ilo elōñ wāween aolep wā in bōbrae COVID-19, im rej etale im aikuj koweeppāni ṃokta jān aer maroñ liḷọki ñan armej. Renaaj koweeppāni wōt eḷaññe rej pass men ko an FDA eo bwe ren safe im eṃṃan.

Meļeļe ko ňan lale elmen bō wᾱ in bōbrae ko ej ikkutkut aer kakkᾱᾱl. Kemij jerbal e wōt ad bōk ukook in meļeļe ko rekᾱᾱl ien eo eṃōkaj tata, botaap emaroň in wōr rumij itok wōt jen iien ko aikuji ňan ukook im door e ilo website eo. Koṃool kin am kijenmej.

Meļeļe ko rekᾱᾱl tata rebed ilo kajin belle ilo kingcounty.gov/covid/vaccine.

Tōrre ko tōkelik aoleb armij ro rekōnaan wā remaron naj. Bōta, ilo ien eo ewōr wā jinoin, enaj eiiet joñan ko. Melelein mennin ej enaj eiiet wā ñan jejjetin armij ro rebed ilo joñan uwōta eo elab ñan aer maron bōk COVID-19 ak ro enaj kauwōtata nañinmij eo aer elañe rebōk COVID-19, einwōt rijerbal ro an jikin ejmour, rūtto ro rej jokwe ilo imōn rūtto ak jikin ko rej lelok kejbarok, im rijerbal ro jet aurok bwe ren jerbal ilo ien idin.

Tipaatmen eo an jikin ejmour eo ilo Wajiñton State(DOH) emoj aer letok wā in bōbrae ko ñan elōñ aujpitōļ ko, jikin kauno ko, im jikin ejmour ko im rekar likit bwe ren letok wā kein. DOH im Public Health eo – Seattle im King County rej jerbal ippen elōñ ro ṃōttaer ñan kaṃōkaj lōñļọk neṃba in jikin bōk wā in bōbrae ko im kalōñļọk kilen deļọñ e ļọk ñan wā ko.

Ilo kar Janode 18, 2021, Tipaatmen eo an Ejmour ilo Wajiñton state eṃōj an kabeļļọk ajeej in wā in bōbrae ko ilowaan wot Alen in 1b1.

Wā in bōbrae ko rebeļļọk ñan armej ro im rej:

  • Rekkar ñan Alen in 1a (website in English only): aolep rijerbal ro imrekawōtata in bōke ak kaajeedeed e COVID ilo kōmman in jikin ejmour eo;Rijerbal in jikin jipañ ko im ro rej jukjuk im amņak ie; im rikau ro.
  • Kōkkar ko nan Alen in1b1:
    • An ro im 65 iiō im ritto ļọk
    • Eļaññe ro im 50 aer iiō im ritto ļọk rej jokwe ilo juōn eṃ eo im ewōr ruo ak lōñ ļọk epepen in baaṃle eo rej jokwe ie, (einwōt Alap im eo jibūn), im elōlō ilo karōk kein:
      • Ejjab maroñ jokwe imake ļọk iaan im bōk jipañ jen ro nukun ak rikau ro (maroñ kōļļāiki ak jaab) ak juōn armej eo ej jerbal ettoļọk jen iṃeo
      • Ej jokwe ippen im ej lolorjake juōn ajiri, einwot juōn alap eo im ajiri eo jibūn.

Ejjab ekkar ilo Alen in:

  • Juōn armej eo edik jen50 an iiō
  • Juōn armej eo 50 an iiōim ritto ļọk eo iṃ ej lolorjake eo iturin ak eo jeran.
  • Juōn armej eo eritto imej maroñ jokwe ippen make im ej lolorjake eo iturin im ajiri ro.

Bōk meļeļe kin ta ko rekkar im ñan bōk wā in bōbrae ko ilo King County.

  • Medicare, Medicaid im enañin aolep insurance renaaj kōḷḷā oṇean wā in bōbrae COVID-19, im bar jet jikin renaaj kōḷḷā ñe ewor armej im ejjeḷọk aer insurance.E maroñ wor oṇean copay ak etal ñan jikin taktō eḷaññe insurance eo aṃ ej ba ak eḷaññe kwōj bōk wā eo jān juon taktō me ej charge.
  • Ñe elōñ wā in bōbrae, Public Health enaaj kōṃṃan iien leḷọk ñan armej im ejjeḷọk oṇean.

Renaaj lale bwe wā in bōbrae ko rej safe im eṃṃan aer jerbal kōn aer kōṃṃan  men kein:

  • Katak kake ippān armej

Rej aikuj katak kake ippān armej ke taktō ro rej loloodjake ke elōñ tọujin armej rej bōk wā in bōbrae eo.

Food im Drug Administration eo (FDA) ej lale men ko rej katak jān iien teej im kajerbal meḷeḷe kein bwe ren lale joñan an safe im eṃṃan an jerbal kajojjo wā in bōbrae.

FDA eo ej reiḷọk ñan katak im ḷōmṇak ko jān juon kumi me rej scientist im ri kapeel,  Vaccines and Related Biological Products Advisory Committee (VRBPAC, Kumi in Kwaḷọk Aer Ḷōmṇak kōn Wā in Bōbrae im Kein Jerbal Ñan Ānbwin) Aolep armej re maroñ lale kweilọk ko an VRBPAC‎.

Eḷaññe juon wā in bōbrae ej ḷoor kakien ko an FDA eo kōn joñan an safe im eṃṃan an jerbal, innām FDA eo e maroñ ba bwe armej re maroñ kajerbal wā eo ñe rej ḷoor wāween aer kōṃṃan license ilo U.S. kōn wā in bōbrae ak kōn aer kamālim aer kajerbale kōn an wor emergency‎.

Ālikin an FDA eo kwaḷọk an ḷōmṇak, bar juon kumi an ro re kapeel kōn wā in bōbrae, US Advisory Committee on Immunization Practices (ACIP, Kumi in Kwaḷọk aer Ḷōmṇak kōn Wā in Bōbrae), enaaj lale eḷaññe eṃṃan an safe im jerbal wā eo. Renaaj kwaḷọk aer ḷōmṇak ñan CDC eo kōn ta eo taktō ro ren kōṃṃane im bwe armej ren jeḷā kōn wā in bōbrae eo.

Wāween Aer Jeḷā Bwe Wā in Bōbrae ej Safe

Ālikin aer kamālim juon wā in bōbrae bwe armej ren kajerbale, koba wā in bōbrae COVID, enaaj wor elōñ kein lale joñan an safe me rej kajerbale ñan lale eḷaññe ewor jorrāān ko me rej waḷọk.
Eḷaññe e waḷọk juon jorrāān me raar jaje kake ṃokta, enaaj ṃōkaj an ri kapeel ro jerbal bwe ren lale eḷaññe ej juon men ren inepata kake ke jab.Ilo wāween in renaaj lale aolep iien joñan an safe men eo meñe eṃōj an jeṃḷọk katak ko me taktō ro raar kōṃṃani.

Ñan wā in bōbrae COVID-19, CDC im FDA rej kōṃṃan elōñ wāween lale bwe wā ko ren safe ilo iien aer kajerbali im bwe ren kakōrṃool bwe wā in bōbrae COVID-19 ren safe joñan wōt aer maroñ.

Jikin ko wōt ewōr aer laijen im emōj aer bōk kaminene in jerbal ko an ejmour remaron lelok wā ko

Ro ilo jikin taktō me ewor aer license im eṃōj katakin er re maroñ liḷọk wā in bōbrae ko. Ro wōt im eṃōj aer license im katak bwe ren leḷọk wā in bōbrae renaaj maroñ in liḷọk wā ko. Ñe elōñḷọk wā in bōbrae ñan aolep armej, enaaj lōñ kain ri jerbal jān jikin taktō me renaaj liḷọk wā ko bwe en pidodoḷọk an armej bōke eḷaññe re kōṇaan. Armej rein re maroñ leḷọk wā ko ilo clinic im hospital ko kab jān jet wa ak ilo jikin ko ilo jukjuk in pād ko.

  • Juon wā ejellok jorren im ejejjet an jerbal kin COVID-19 ej juon tōbrak eo elab joñan. Bōtab wā eo make lok ian ebañ kōbōjrak jorren eo elab emōj an jelōte aoleben lal in ilo kiō wōt.
  • Jekdon ālikin an wōr wā, kōbōjrak jorren eo elab emōj an jelōte aoleben lal in enaj wonmaanlok an aoleb – jekdon ñe emōj aer wā – wonmaanlok in loor aoleb melele in kajinet ko an tōrre in ñan kejbarok er make im ro jet, ekoba ekōnak kein kalbubu māj, bed jab diklok jen 6 ne jen ro jet, im jab bed ilo kakobaba in armij ko relab, kadik makūtkūt ko rej kōmman inabojin moko mōd im jab bed ilo jikin ko elab armij, ikut ad kwal beir, loor melele in kajinet eo an CDC ikijen ito tak, im loor melele in kajinet eo ikijen ien jab ito tak ālikin ad kebaak juon armij eo ewōr COVID-19 ibben.

Ñan Meḷeḷe ko Reḷapḷọk kōn Wā in Bōbrae COVID-19


Link/share our site at www.kingcounty.gov/covid/vaccine/marshallese