Skip to main content
King County logo

Ilo Maaj 23, Governor Jay Inslee ear kōmane juon an kabbe ñan aolep ilo state in (Stay Home, Stay Healthy). Kakien in ej kōmelet bwe:

  • Aolep armij in Washington rej aikwij ber wot iloan mweo ñan ñe ewor unin air makūtkūt.
  • Jabrewōt ikōtōltōl ko ilo jikin jar im un ko ñan koba ibben dron rej aikwij bōjrak.
  • Aolep bujinej ko, ijellokin wōt bujinej ko jej aikwiji, rej aikwij kilōk. Jerbal ko remaroñ wonmanlok wōt ilo moko ak kabijuknen eo ren kojerbal kamutōr ak talpoon ko. Bujinej ko rebellok enwot mōn wia mōñā ko, jikin kauno ko, bank im jikin jeen ko, jikin ajmour ak taktōk ko, imōn jarom ko, ial in makūtkūt ko, jikin lale ajiri, im ijoko jōt enwōt kein.

Ia ko rebellok:

  • Jikin wia mōñā im take-out ko jen imõn mōñā ko, (deliver mōñā ko rej wonmanlok wõt)
  • Jikin ajmour ak taktō ko im jikin wia uno ko.
  • Makūtkūt kein enwōt Etátal, ettōr, bajikol, im ekkat wut ak jikin kallib ko. Elañe koj kōmane wawein kein ijoko namoj, kon kōttolok eok tarin jiljino ne ikkōtan dron.
  • Etal ñan jikin wia kiaj ko, mōñā ko ak food bank ko, mōn wia jidrik ko, jikin bank ak jeen ko, im mōn kwalkwol ko
  • Ri jerbal ro ilo jikin kein ak bujinej kein rej maroñ wōt jerbal.

Ia ko rejjab bellok:

  • Koba lok ilo jikin kallimomo ak mōnōnõ ko, im jikin iktōltōl ko
  • Koba ibben dron ilo jikin ikkure ko
  • Etal ñan jikin mōre ak mij ko, im jikin kemem ko
  • Koba lok ilo jikin jar ak kabuñ ko
  • Etal ñan jikin kalojoj ak mubi ko, ak jikin kōbajet ko
  • Etal ñan jikin kōjañjañ ko, ak kalojloj ak pōreet ko
  • Jikin akjerjaij ko (gym), ak jikin kajimourur ko
  • Jikin kōman pa, mijbar, im eeo (tattoo) ko
  • Etal ñan jikin karek ak imōn mōñā ko ilo rejtōrõn ko (jikin kein emōj killõki)

Ta in COVID-19?

COVID-19 (kar nae etan “novel coronavirus”) ej juon kij eo ekaal eo ej ajeeded jen armij-ñon-armij. Ej ber kio ilo United States im lal ko jet.

Ewi wawein an ajeeded novel coronavirus (COVID-19)?

Ro rōtijomlok ilo jikin ajmour ko rej ekkatak wot kin wawein an ajeeded kij in. Kio, jōjjela wot ke ej ajeeded ilo:

  • jen ta ko rej walok ilo an juon eo enañinmij ebokbok ak maje
  • ikotan armej ro elap air ebaake dron (tarin joñan in 6 ne)
  • jen am jibwe ijoko ak jabrewōt men ko ewor kij in ie im jibwe loñum, botum, ak mejam

Ta kōkkalle ko?

Armij ro emōj air enoik ir kin novel coronavirus in emōj air kwalok kōkkallen kein me rej maroñin walok ilowan wōt 2 raan ak to tata 14 raan ko alikin air bo ilo kij in.

Ta kōkkalle ko?

Public Health ej rejañ bwe armij ro ewor nañinmij ko rellap air kauwatata ñe remaroñ in ber wot mwe im kōttolok ijoko eloñ armij rej koba ibben dron ie. Armij ro rellap iar kauwatata ej ro im:

  • Rūtto ro jen 60 air iiō loñlok
  • Ro ewōr nañinmij ko ibbeir enwōt joraan in menono, ar, ak toñal
  • Ro rōmojno anbwinner; bidodo aer bo ilo nañinmij
  • Kora ro rej bōroro

Jabrewōt ro eloñ aer kajitok elañe ajmour eo an emaroñ in kauwatata ñon nañinmij in COVID-19 aikuj kōnono ibben taktō ro aer.

Jikin jerbal ko remaroñ bok buñton ne ko rekkar bwe rijerbal ro aer ren maroñin kômane jerbal ko air ilo wawein bōbrae jen air jerbal ijoko im elap an loñ armij rej ber ie.

Jikin Jerbal ko ren:

  • Kōmalim an rijerbal maron kōjerbal wot. telecommuting; kambutōr ko.
  • Ba rijerbal ro ren ber wot mwe elañe rōnañinmij.
  • Kōmalim an rijerbal bōk sick leave benefit ko ñon ro rej nañinmij ak emoj rejañ ir bwe ren ber wōt mōko mwer kin an lap kauwatata ñan aer naj bo ilo nañinmej in.
  • Lale ñe ekkar bwe en oktak awa in ijjino ak kōjjemlok jerbal ñon kajeoñ bobrae bwe en jab loñ armij rej ber iturin dron ilo juon wot ien.

Ilo Ebrōl 6 raan eo, Kabōna Inslee ekar keañ aolep K-12 jukuul ko an pablik im praebet bwe ren killōk wōt manwoj mae jemlok in iiō in jikuul in.

Komaroñ bōbrae eok make jen kauwatata in kij in, im elaptata non ro ebiroro air bo ilo COVID-19:

  • Ber wōt mwe im jab itoitak ñe koj nañinmij.
  • Jab etal ñon ijoko jikin rinañinmij ko ñon ñe ewor unin. Elane koj nañinmij call e mokta takto eo am jen am etal ibben.
  • Meñe kwoj jab nañinmij, jab etal ñon jikin takto ko, jikin rinañinmij ro, ak mōn rinañinmij ro jonan wot am maron. Mae ien elukkin menin aikuij ñan am etal non jikin kein lale kwar bok tōre eo aitok im kōtolok eok 6 ne jen rinañinmij eo.
  • Jab etal ñon emergency room ko ñon ñe koj lukkin in aikwij jibañ. Jerbal ko ilo emergency eo ñon ro wot im elap air aikwij. Elañe koj bokbok, biba, ak kōkkalen ko jōt, call e takto eo am mokta jen am etal.
  • Kaminene kin tiljek in am make kareo ilo am kwal bweim kin joob im dren aolep ien, bokbok ñon beba ko ak elbo eo am, im jab jibwe mejam, botum, ak loñum.
  • Kattolok ro ri-nañinmi laptata ñe koj juon eo ebidodo an bok kij in coronavirus.
  • Kakutkut am kareo ijoko ak melen koj jibwe (enwot kōjem ak jikin kune-kabōl tōma ko). Kōjerbal jabrewōt kein kareo ko rekkar.
  • En lap am kakkije, idrak wot aibōj, mōñã ko rōine, im kōjabrok jen am inebata ak illu bwe en kajur wot ituloan anbwinim jen kij in.
  • King County Novel Coronavirus Call Center, 206-477-3977. Ijin ej bellok ñon jibañ jen 8 a.m. – 7 p.m. aolep raan.
  • Washington State Novel Coronavirus Call Center, 1-800-525-0127 im jiber #. Ijin ej bellok ñon jibañ jen 6 a.m. – 10 p.m. aolep raan.

Rijerbal ro remaroñ kabok ri-ukok ro. Kwoj aikwij in kajin belle im ba kwoj aikwij ri-ukok. Emaron naj aitok kitien am kotar ri-ukok eo.


Signs to print and post to help establishments communicate with their customers and staff the steps they are taking to minimize the risk of COVID-19.

Posters for shoppers and staff in grocery stores in Marshallese

Posters for housing communities, managers, staff and residents in Marshallese

Bojak in jibañ wot dron. Juon jukjuk in ber eo ekajur ilo an ibben dron enaj lemaanlok kōjwoj aolep jen tore kein rōben.


Link/share our site at www.kingcounty.gov/covid/marshallese