Skip to main content
King County logo

ការ​ស្ទង់​មតិ​ Kids Health Survey ផ្ដោត​ចំណាប់​អារម្មណ៍​ទៅ​លើ​ក្រុម​គ្រួសារ​ទាំងឡាយ​ដែល​​រស់​នៅ​ក្នុង​ King County ដែល​​កូនចៅ​របស់​ពួក​គេ​​កំពុង​រៀន​នៅ​សាលា​បឋមសិក្សា​ ឬ​​មាន​អាយុ​តិច​ជាង​នោះ ។

សំណួរ​ទាំង​អស់​នៅ​ក្នុង​ការ​ស្ទង់​មតិ Kids Health Survey នឹង​សួរ​​អ្នក​អំពី​សុខភាព​របស់​កូន​ចៅ​អ្នក​ ។ ឧទាហរណ៍ ៖

សុខុមាលភាព​របស់​កុមារ
ទម្ងន់​នៅ​ក្នុង​កម្រិត​មាន​សុខភាព​ល្អ
ការ​គាំទ្រ​ពី​សហគមន៍
ការប្រស្រ័យ​ទាក់ទង​រវាង​ឪពុកម្ដាយ​និង​កុមារ
សកម្មភាព​លេង​កម្សាន្ត
តម្រូវការ​ជា​មូលដ្ឋាន
ការ​បំបៅកូន​ដោយ​ទឹក​ដោះម្ដាយ
បទពិសោធន៍​នៅ​សាលារៀន
ភាពរឹងមាំ​របស់​គ្រួសារ
បទពិសោធន៍​កាលពី​នៅ​វ័យ​ក្មេង
សេវា​ថែទាំ​កុមារ​ជា​ទូទៅ​​និងការ​មើល​ថែ​កុមារ​នៅ​ក្រោយម៉ោង​សាលារៀន
ការ​គាំទ្រ​របស់​ឪពុក​ម្ដាយ

Best Starts for Kids Health Survey

 

¿តើ​នរណា​ខ្លះ​អាច​ចូលរួម​ក្នុង​ការ​ស្ទង់​មតិ​នេះ?

  • ឪពុកម្ដាយ​គ្រប់រូប​នៅ​ក្នុង King County ដែល​កូន​ចៅ​របស់​ពួក​គាត់​កំពុង​រៀន​នៅ​​ថ្នាក់​បឋមសិក្សា ត្រូវ​បាន​អញ្ជើញ​ឱ្យ​ចូលរួម​បំពេញ​សំណួរ​ស្ទង់​មតិ​អំពី​សុខភាព​កុមារ (Kids Health Survey) នៅ​ដើម​ឆ្នាំ​ ២០២១ ។
  • អ្នក​អាច​​​បំពេញ​សំណួរ​នៃ​ការ​ស្ទង់​មតិ​​​ក្នុង​ភាសា​ណាមួយ​ក្នុង​ចំណោម​ ៧ ភាសា ពោល​គឺ ភាសា​អង់គ្លេស, ចិន, កូរ៉េ, រុស្ស៊ី, អេស្ប៉ាញ៉ុល, សូម៉ាលី, និង វៀតណាម ។
  • ចាប់​ពី​ខែ​មករា​ដល់​ខែ​មីនា​ឆ្នាំ​ ២០២១​ ឪពុកម្ដាយ​ ឬ​អាណាព្យាបាល​សិស្ស​នៅ​តំបន់​ King County ចំនួន​ប្រហែល ១៥០០០ នាក់​នឹង​ត្រូវ​បាន​ជ្រើសរើស​តាម​របៀប​ចាប់​ឆ្នោត​ដោយ​ចៃដន្យ​ដើម្បី​ចូលរួម​ក្នុង​ការ​ស្ទង់​មតិ​នេះ ។ ប្រសិន​បើ​គ្រួសារ​របស់​អ្នក​ត្រូវបាន​ជ្រើសរើស​មែន អ្នក​នឹង​ទទួល​បាន​សំបុត្រ​​និង​សេចក្តី​ណែនាំ​​អំពី​របៀប​បំពេញ​ការ​ស្ទង់​មតិ Kids Health Survey នេះ ។
  • ចាប់​ពី​ខែ​មេសា​ដល់​ខែ​មិថុនា​ឆ្នាំ ២០២១ ការ​ស្ទង់​មតិ Kids Health Survey នឹង​ត្រូវ​បាន​រៀបចំ​សម្រាប់​គ្រប់​ឪពុក​ម្ដាយ​ឬ​អាណាព្យាបាល​សិស្ស​ដែល​មាន​អាយុ​​ចូលរៀន​​នៅ​ថ្នាក់​​បឋមសិក្សា​ ឬ​​អាយុ​តិច​ជាង​នោះ ។

កម្មវិធី Best Starts for Kids កំពុង​សហការ​យ៉ាង​ស្អិត​ល្មួត​ជាមួយ​នឹង​​ការិយាល័យ​ស្រាវជ្រាវ​អំពី​ការ​ស្ទង់​មតិ (Survey Research Division) នៃ​មហាវិទ្យាល័យ​​សង្គមកិច្ច (School of Social Work) របស់​សកលវិទ្យាល័យ​វ៉ាស៊ីងថុន​ (University of Washington) ដើម្បី​​ដឹកនាំ​ការ​ស្ទង់​មតិ Kids Health Survey នេះ ។

¿ហេតុ​អ្វី​ខ្ញុំ​គួរ​ចូលរួម​ក្នុង​ការ​ស្ទង់​មតិ​នេះ ?

  • យោបល់​របស់​អ្នក​ពិត​ជា​មាន​សារៈ​សំខាន់ ។
  • ព័ត៌មាន​ដែល​បាន​ផ្ដល់​ដោយ​ឪពុក​ម្ដាយ​សិស្ស​តាម​រយៈ​ការ​ស្ទង់​មតិ Kids Health Survey នឹង​ជួយ​តម្រង់​ទិស​​កម្មវិធី​ Best Starts for Kids Initiative ដែល​ទទួល​បាន​ការ​គាំទ្រ​ពី​អ្នក​​បោះឆ្នោត​ទាំងឡាយ ។
  • បុគ្គលិក​នៃ​កម្មវិធី Best Starts for Kids ខិតខំ​​ធ្វើ​យ៉ាងណា​ដើម្បី​ធានា​ថា​ កុមារ​គ្រប់​គ្នា​ រាប់​​ទាំង​កូន​របស់​អ្នក​ផង​ដែរ មាន​ឱកាស​ដ៏​ប្រសើរ​បំផុត​ដើម្បី​​សម្រេច​​ជោគជ័យ​ក្នុង​ជីវិត ។
  • ការ​ស្ទង់​មតិ Kids Health Survey នឹង​ជួយ​យើង​ខ្ញុំ​ឲ្យ​យល់​កាន់​តែ​ច្បាស់​ថែម​ទៀត​នូវ​ភាព​រឹងមាំ​និង​តម្រូវការ​របស់​កុមារ​នៅ​ក្នុង​សហគមន៍​របស់​យើង ពោល​គឺ សហគមន៍​ចម្រុះ​ជនជាតិ​ដែល​មាន​វប្បធម៌​និង​ភាសា​ខុសៗ​គ្នា​នៅ​ក្នុង​ King County ។
  • កម្មវិធី Best Starts for Kids នឹង​ចែកចាយ​នូវ​​អ្វីៗ​ដែល​យើង​យល់​ដឹង​ពី​ការ​ស្ទង់មតិ​នេះ​​នៅ​លើ​ប្រព័ន្ធ​ផ្សព្វផ្សាយ​ប្រភេទ​ប្លុក​ (blog) និង​នៅ​លើ​វ៉ិបសៃថ៍​របស់​យើង ។​
  • ការ​ស្ទង់​មតិ​នឹង​ដាក់​ឲ្យ​ដំណើរ​ការ​​បន្ត​​មួយ​រយៈកាល​ដើម្បី​ជួយ​ឲ្យ​យើង​ត្រួត​ពិនិត្យ​មើល​ថា​តើ​យើង​កំពុង​ចូលរួម​ជួយ​ធ្វើ​ឲ្យ​មាន​ការ​ផ្លាស់ប្ដូរ​យ៉ាង​ណា​ខ្លះ​នៅ​ក្នុង​សុខភាព​​របស់​កុមារ​នៅ​ក្នុង​តំបន់ King County នេះ ។
  • ការ​ចូលរួម​របស់​អ្នក​នៅ​ក្នុង​ការ​ស្ទង់​មតិ​នេះ​គឺ​ជា​ការ​ស្ម័គ្រ​ចិត្ត​ទាំង​ស្រុង ហើយ​អ្នក​អាច​រំលង​សំណួរ​ណាមួយ​ក៏​បាន​ ឬ​ឈប់​ឆ្លើយ​សំណួរ​ទាំង​អស់​នៅ​ពេល​ណា​ក៏​បាន ។

¿តើ​កូន​ខ្ញុំ​ត្រូវ​បាន​ជ្រើសរើស​ឲ្យ​ចូលរួម​ការ​ស្ទង់​មតិ ​តាម​របៀប​ចាប់​ឆ្នោត​​ដោយ​ចៃដន្យ​យ៉ាង​ដូច​ម្ដេច?

यदि आपके परिवार को मेल में एक पत्र मिला है, तो आपके बच्चे को भाग लेने के लिए यादृच्छिक रूप से चुना गया था

  • आपके बच्चे का नाम और उनके माता-पिता / अभिभावक संपर्क जानकारी सार्वजनिक स्वास्थ्य - सिएटल द्वारा सुरक्षित और सुरक्षित रूप से एकत्र किए गए हैं
  • यादृच्छिक चयन के माध्यम से, यह एक बेहतर मौका है कि परिणाम सभी किंग काउंटी के छोटे बच्चों वाले परिवार की राय और अनुभवों को प्रतिबिंबित करेंगे

¿यह अध्ययन मेरी जानकारी को कैसे सुरक्षित और गोपनीय रखता है?

ប្រសិនបើ​គ្រួសារ​របស់​អ្នក​ទទួល​បាន​សំបុត្រ​មួយ​ច្បាប់​ កូន​របស់​អ្នក​ត្រូវ​បាន​ជ្រើសរើស​តាម​របៀប​ចាប់​ឆ្នោត​​ដោយ​ចៃដន្យ​ដើម្បី​ឲ្យ​ចូលរួម​ក្នុង​ការ​ស្ទង់​មតិ ៖

  • ឈ្មោះ​កូន​របស់​អ្នក​និង​ព័ត៌មាន​សម្រាប់​ទាក់ទង​របស់​ឪពុក​ម្ដាយ ឬ​អាណាព្យាបាល​របស់​ពួក​គេ គឺ​ត្រូវ​បាន​​ប្រមូល​យក​តាម​របៀប​មួយ​​ប្រកប​ដោយ​សុវត្ថិភាព​និង​​ជា​សម្ងាត់​បំផុត​ ដោយ​បុគ្គលិក​នៃ​ក្រសួង​សុខភាព​សាធារណៈ​នៃ​ក្រុង​ស៊ីអាថល​និង​ឃីង​ខោនធី (Public Health – Seattle & King County), ដោយ​សហការ​ជាមួយ​ក្រសួង​សុខភាព​សាធារណៈ​នៃ​រដ្ឋ​វ៉ាស៊ីងថុន (Washington State Department of Health) និង​​នាយកដ្ឋាន​គ្រប់គ្រង​សាលារៀន​សាធារណៈ​របស់​ឃីងខោនធី (King County’s public school districts) ។
  • តាម​រយៈ​ការ​ជ្រើសរើស​តាម​របៀប​ចាប់​ឆ្នោត​ដោយ​​ចៃដន្យ ​លទ្ធផល​ទទួល​បាន​​ពី​​ការ​​ស្ទង់​មតិ​នេះ ​នឹង​មាន​ឱកាស​ដ៏​ប្រសើរ​មួយ​ដើម្បី​​​​ឆ្លុះ​បញ្ចាំង​អំពី​​​​មតិ​និង​បទ​ពិសោធន៍​របស់​គ្រួសារ​ទាំង​អស់​នៅ​ក្នុង​ King County ដែល​មាន​កូន​តូចៗ ។ 

តើ​បុគ្គលិក​ដែល​ដឹកនាំ​ការ​សិក្សា​នេះ​ធ្វើ​យ៉ាងណា​ដើម្បី​រក្សា​ព័ត៌មាន​របស់​ខ្ញុំ​ឲ្យ​មាន​សុវត្ថិភាព​និង​ទុក​ជា​សម្ងាត់ ?​

  •  គ្រប់​ចម្លើយ​របស់​អ្នក​នឹង​ត្រូវ​បាន​រក្សា​ទុក​ជា​សម្ងាត់​បំផុត ។
  • មាន​តែ​បុគ្គលិក​ដែល​បាន​ទទួល​ការ​បណ្ដុះបណ្ដាល​​ និង​មាន​ការ​អនុញ្ញាត​ឲ្យ​​ធ្វើកិច្ចការ​ជាមួយ​ព័ត៌មាន​ដែល​​គេ​រក្សាទុក​ជា​សម្ងាត់​នោះប៉ុណ្ណោះ ទើប​អាច​មើល​ចម្លើយ​ទាំង​នោះ ហើយ​គ្រប់​ទិន្នន័យ​ត្រូវ​បាន​រក្សាទុក​យ៉ាង​យកចិត្ត​ទុកដាក់​បំផុត​ ដោយ​ប្រើ​បច្ចេកវិជ្ជា​សម្រាប់​ចាក់សោ​រក្សា​ព័ត៌មាន​ទុក​​ ។
  • ឈ្មោះ​របស់​កុមារ​នឹង​ត្រូវ​​បាន​លុប​ចោល​ដើម្បី​រក្សា​ជា​សម្ងាត់​នូវ​ចម្លើយ​ទាំងឡាយ ហើយ​លទ្ធផល​សង្ខេប​នឹង​ត្រូវ​បាន​ចែកចាយ​ជា​សាធារណៈ ។
  • មិន​មាន​គ្រួសារ​ឬ​បុគ្គល​ណា​មួយ​អាច​ត្រូវ​បាន​គេ​​​ស្គាល់​អត្តសញ្ញាណ​​ទេ ហើយ​ទិន្នន័យ​​នឹង​ត្រូវ​បាន​​ប្រមូល​សម្រាប់​តែ​ផ្ដល់​ព័ត៌មាន​សម្រាប់​​តម្រង់​ទិស​ការងារ​របស់​គម្រោង Best Starts for Kids ប៉ុណ្ណោះ ។​
  • ព័ត៌មាន​របស់​អ្នក​មាន​សុវត្ថិភាព​បំផុត​​​ក្នុង​​ការផ្ដល់​ជូន​តាម​បណ្ដាញ​អ៊ិនធឺណិត ។
  • គ្រប់​ព័ត៌មាន​នៃ​ការ​ស្ទង់​មតិ​ត្រូវ​បាន​ប្រមូល​​​យក​តាម​​​​ស្តង់ដារ​នៃ​ការ​រក្សា​សន្តិសុខ និង​​លាក់​កំបាំង​តាម​លេខកូដ​​យ៉ាង​តឹងរឹង​បំផុត ។
  • យើង​នឹង​មិន​ស្នើ​សុំ​ពី​អ្នក​ឬ​ពី​កូន​របស់​អ្នក​នូវ​ព័ត៌មាន​ដូចជា ៖ 
    • លេខ​សូស្យាល់ (SSN)
    • ព័ត៌មាន​ក្រេឌីតកាត
    • ព័ត៌មាន​នៃ​គណនី​​ធនាគារ
    • លុយកាក់​ឬ​ការ​ផ្ដល់​អំណោយ

 

ដើម្បីទទួលបានព័ត៌មានបន្ថែម សូមទាក់ទង ៖

Sokunthea Ok

Khmer.BSK@KingCounty.gov

 

Contact Us

Phone 206-263-9105

TTY Relay: 711

Fax: 206-296-5260